“Реал Мадрид” футболчиси Жуд Беллингем “Осасуна”га қарши (1:1) ўйиндан сўнг ҳакамлик ҳақида фикр билдирди.
Англиялик футболчи учрашувнинг 1-бўлимида ҳақоратли сўз ишлатгани важи билан майдондан четлатилган эди.
“Биз энди ўйинни ўзгартира олмаймиз, лекин умид қиламанки, видеоёзувлардан кейин қандайдир ўзгаришлар бўлади.
Футболчи майдонда бўлса, ҳар хил ҳиссиётларга берилади. Сиз майдонда экансиз, ҳиссиётлар сизни хурсанд қилиши, қониқарсиз натижа учун ғазабни келтириши мумкин.
Бундай ҳолатлар Испаниядаги ҳакамлик сифатига шубҳа билан қарашга ундайди”, – деди Беллингем.