Ўзбекистон бош вазири хизмат автомобили Mercedes-Benz`дан Malibu`га ўзгартирилди
Президент топшириғи билан бош вазир Абдулла Ариповнинг Mercedes-Benz хизмат автомобили Malibu’га ўзгартирилди. Вазир ва ҳокимлар ҳам маҳаллий автомобилларга ўтади. Парламент палаталари раҳбарлари Malibu’га ўтди. Ҳукуматнинг аниқлик киритишича, барча машиналар мавжуд паркдан олинмоқда.
Ўзбекистон туманига янги ҳоким тайинланди
Равшанбек Бегматов Фарғона вилоятининг Ўзбекистон тумани ҳокими бўлди. У бунгача Сув хўжалиги вазирлиги бошқармаси бошлиғи бўлиб ишлаб келган.
Аюбхон Раҳматуллаев ИИВ раҳбарининг биринчи ўринбосари бўлди, Улуғбек Ташходжаев — ИИВ Миграция ва персоналлаштириш департаменти бошлиғи
Бунгача Андижон вилояти ИИБ бошлиғи лавозимида ишлаган Аюбхон Раҳматуллаев ички ишлар вазирининг биринчи ўринбосари этиб тайинланди. Улуғбек Ташходжаев ИИВ ҳузуридаги Миграция ва персоналлаштириш департаментига раҳбар бўлди.
Ўзбекистоннинг Андоррадаги биринчи элчиси тайинланди
Ўзбекистоннинг Испаниядаги элчиси Фаррух Турсунов бир вақтнинг ўзида Андоррадаги биринчи элчи бўлди. У князлик ҳамраиси, Франция президенти Эммануэль Макронга ишонч ёрлиқларини топширди.
Халқаро ҳамкорлик бўйича Европа комиссари Ўзбекистонга келади
Халқаро ҳамкорлик бўйича Европа комиссари Йозеф Сикела Европа Иттифоқи — Марказий Осиё саммити арафасида шерикликни мустаҳкамлаш мақсадида минтақанинг беш давлатига келади. Ўзбекистонда у ОКМКга ташриф буюриб, рақамли ўзаро боғлиқлик соҳасидаги лойиҳаларни имзолашда иштирок этади.
Европага дарча. Ўзбекистон ва Франция ўртасидаги савдо-иқтисодий ҳамкорлик истиқболлари
Масофаларга қарамай, Ўзбекистон ва Франция ҳамкорликнинг чексиз салоҳиятига эга, бугунги кунда уни тўлиқ рўёбга чиқариш мумкин ва зарур бўлган айни фурсатдир. Ўзбекистон инвестициялар, саноат ва савдо вазири ўринбосари вазифасини бажарувчи Акрам Алиев колонкаси.
2025 йил январда Ўзбекистоннинг ташқи савдо айланмаси 4,5 млрд долларни ташкил этди
2025 йил январь ойида Ўзбекистоннинг ташқи савдо айланмаси 4,5 млрд долларни ташкил этди ва 2024 йилнинг январь ойига нисбатан 297,2 млн долларга ёки 7,1 фоизга ўсди. Бунда экспорт ҳажми 1,3 млрд долларни, импорт ҳажми эса 3,2 млрд долларни ташкил этди.
Ўзбекистон фуқароси Сеулда рекордли $5,09 млн га ҳашаматли квартира сотиб олди
Ўзбекистон фуқароси Сеулдаги турар жой мажмуасидан 5,1 млн долларга ҳашаматли квартира сотиб олди ва Жанубий Кореяда хорижликлар учун кўчмас мулк олди-сотдиси бўйича рекорд ўрнатди. Бу ҳақда The Korea Herald газетаси ёзмоқда.
«Ташаббусли бюджет»нинг 1-мавсуми доирасида овоз бериш босқичи бошланди
«Ташаббусли бюджет»нинг 2025 йилги 1-мавсуми доирасида овоз бериш босқичи бошланди. Овоз бериш 20 мартгача давом этади. Ғолиблар 21 март — Наврўз байрами куни эълон қилинади.
Москвага дронлар ҳужум қилгани туфайли Ўзбекистондан қатор рейслар бошқа шаҳарларга йўналтирилди
Ўзбекистон шаҳарларидан Москва аэропортларига бир нечта авиарейслар Украина дронларининг Россия пойтахтига ҳужуми туфайли бошқа шаҳарларга йўналтирилди. Москва мэриясига кўра, шаҳар яқинида 74 та учувчисиз учиш аппарати уриб туширилган. Икки киши ҳалок бўлгани ва саккиз киши жароҳатлангани маълум.
«Навоийазот»даги портлаш оқибатида 1 киши ҳалок бўлди, 11 киши жароҳатланди
«Навоийазот»да содир бўлган портлаш оқибатида 1 нафар фуқаро ҳалок бўлди, 11 нафар фуқаро эса жароҳатланди. Ҳолат юзасидан терговга қадар суриштирув ишлари бошланган.
Бойсунда юк машинаси 8 ёшли қизни уриб юборгач, қавариқ ўтиш жойи ташкил этиладиган бўлди
Сурхондарёнинг Бойсун туманида юк машинаси мактабдан чиқиб, йўлни кесиб ўтаётган қизни уриб юборди. У шифохонада вафот этди. ЙТҲдан сўнг қавариқ (кўтарма) ўтиш жойини ташкил этишга қарор қилишди, маҳаллада эса йиғилиш ўтказилиб, аҳоли фарзандларини доимий равишда назорат қилишга чақирилди.
Мигрантларнинг пул ўтказмаларисиз Ўзбекистонда камбағаллик даражаси 9,6 фоиз эмас, балки 16,8 фоиз бўларди — Жаҳон банки
Жаҳон банкига кўра, ўзбекистонлик муҳожирлар оқими Қирғизистон ва Тожикистонга қараганда хилма-хилроқ: уларнинг 57 фоизи Россияни танлайди, 15 фоизи Қозоғистонда, 10 фоизи Украинада ишламоқда. Ўзбекистон ЯИМда мигрантлар ўтказмалари улуши 14 фоизни ташкил этади, бу ҳам қўшниларга қараганда камроқ.
Фото: Бузилаётган постконструктивизм ёдгорлиги — «Чирчикстрой» меҳмонхонаси қандай кўринишда эди?
Чирчиқда 1936 йилда қурилган собиқ «Чирчикстрой» меҳмонхонасини бузиш ишлари бошланди. У постконструктивизм услубида қурилган Ўзбекистоннинг энг машҳур объекти эди. Расмийлар 2021 йилда иншоотни сақлаб қолиш ҳақидаги чақириқларга жавобан унинг авария ҳолатида эканини маълум қилганди.
Самарқандда учта тарихий масжид бузиб ташлангани аниқланди
Самарқандда 3 та тарихий масжид бузиб ташланиши, яна бир архитектура ёдгорлиги эса рухсатсиз таъмирланиши оқибатида ёдгорликларга жами 46,8 млрд сўмлик зарар етказилгани аниқланди. Ҳолатлар юзасидан жиноят ишлари очилди.
Қашқадарёда ёнилғи қуйиш шохобчасидаги ёнғинда 2 киши жароҳат олди
Қашқадарёнинг Касби туманида ёнилғи қуйиш шохобчасида ёнғин чиқди. Оқибатда 2 киши куйиш жароҳатини олди. Ҳозирда уларнинг аҳволи яхши, дейилади ФВВ хабарида. Видео.
Тошкент — Бухоро йўналишида қўшимча «Афросиёб» поезди қатновлари йўлга қўйилади
Байрамлар муносабати билан Тошкент — Бухоро — Тошкент йўналишида қўшимча «Афросиёб» электропоезди қатнови йўлга қўйилади. Қўшимча поездлар 20, 25, 31 март ва 1 апрель кунлари ҳаракатланади.
Ҳафта давомида ҳарорат +22 даражагача кўтарилади
Ўзбекистонда ҳафта давомида илиқ ва асосан қуруқ об-ҳаво бўлиши кутилмоқда. Ҳарорат кечалари +4…+9, кундуз кунлари +17…+22 даража атрофида бўлади. Тоғли ҳудудларда 11−12 март кунлари вақти-вақти билан ёмғир, қор ёғиши мумкин.
Шаҳрисабз аэропорти 13 мартдан 25 мартгача ёпилади
Шаҳрисабз маҳаллий аэропорти 13 мартдан 25 мартгача ёпилади. Бу пайтда учиш-қўниш йўлагини капитал таъмирлаш ишлари олиб борилади. Реконструкциядан кейин аэропорт ўрта масофага мўлжалланган ATR-72 самолётларини қабул қилиш имкониятига эга бўлади.
«Навоийазот»нинг цехларидан бирида портлаш бўлди
Навоий шаҳридаги «Навоийазот»нинг 25-цехи лабораториясида портлаши содир бўлди. Портлаш оқибатида ёнғин келиб чиқди. Ҳодиса жойига 10 та ёнғин-қутқарув экипажи жалб этилган.
Жиззахда икки қизалоқнинг ўлимига сабабчи бўлган ҳайдовчи 9,5 йилга қамалди
Бахмал туманида ҳайдовчи Cobalt автомобилида тезликни ошириб, 4 ва 13 ёшли қизларнинг ўлимига сабабчи бўлганди. Суд уни 3 йилга автомашина бошқариш ҳуқуқидан маҳрум қилиб, 9,5 йил муддатга озодликдан маҳрум этиш жазосини тайинлади.
Рақобат қўмитаси Навоийда таомномаси ўзбек тилида бўлмаган ресторанга иш қўзғатди
Рақобат қўмитаси Навоий шаҳридаги ресторанга ўзбек тилида таомномаси бўлмагани, маҳсулотларда нархномалар қўйилмагани ва бошқа ҳолатлар бўйича иш қўзғатди. Ресторан масъулига нисбатан маъмурий баённома расмийлаштирилиб, судга юборилди.
Бухорода прокуратура ходими пора олишда гумонланиб қўлга олинди
Бухоро вилоятида фермер хўжалиги раҳбарига нисбатан чиқарилган суд ҳукмини ўзгартирмаслик эвазига пора талаб қилган прокуратура ходими қўлга олинди. Шунингдек, Хоразмда МИБ ходими фуқарони ишга киритиш учун пора олган вақтида ушланди.
Ҳудудларда қарийб 195 минг қалбаки доллар муомалага киритилишининг олди олинди
Жиззах ва Наманган вилоятлари ҳамда Тошкент шаҳрида қарийб 195 минг қалбаки долларнинг муомалага киритилишининг олди олинди. Хусусан, бир ҳолатда икки шахс сохта 50 минг долларни 65 млн сўмга сотмоқчи бўлган. Яна бирида эса қалбаки 45 минг долларни ҳақиқий 25 минг долларга сотганлар қўлга тушган.
Бош прокуратура ва «Ўзэнергоинспекция» фуқароларни коррупция ҳақида хабар беришга чақирди
Бош прокуратура ва «Ўзэнергоинспекция» коррупция ҳолатлари ҳақида ишонч телефонлари ва Telegram ботлари орқали хабар беришга чақирди. Ариза берувчиларга хавфсизлик кафолатланади, аммо хабар аноним бўлмаслиги керак. Чақириқ президентнинг коррупцияга қарши курашни кучайтириш топшириғи фонида бўлди.
Филиппин собиқ президенти Дутерте қўлга олинди
Филиппинни 2016−2022 йилларда бошқарган собиқ президент Родриго Дутерте Халқаро жиноий суд ордери билан Манила аэропортида ҳибсга олинди. У инсониятга қарши жиноятларда айбланмоқда. Дутертенинг даврида гиёҳванд моддаларга қарши кураш операциялари давомида 12 мингдан ортиқ одам ўлдирилгани айтилади.
Бизни ўқиётганингиз учун раҳмат!