Энди юридик шахслар электр энергияси ва табиий газ учун тўловларни мобил иловалар орқали миллий валютадаги корпоратив банк карталаридан фойдаланган ҳолда амалга ошириши мумкин.
Бу борада жорий йил 13 март куни мазкур ўзгаришни назарда тутувчи Марказий банк бошқарувининг «Ўзбекистон Республикаси ҳудудида банк карталарининг чиқарилиши ва муомалада бўлиши қоидалари тўғрисидаги низомнинг 19-бандига қўшимча киритиш ҳақида»ги қарори қабул қилинди.
Ушбу ҳужжат Қонунчилик маълумотлари миллий базасида эълон қилинган ва 13 март санасидан бошлаб кучга кирди.