Якшанба куни Тошкентдаги Наврўз истироҳат боғида Ранглар фестивали номи билан машҳур ва баҳор келиши рамзи ҳисобланмиш Ҳоли байрами нишонланди. Яқин кунларда Ўзбекистонда Наврўз байрами нишонланиши сабабли байрамлар биргаликда ўтказилди.
Анъанага кўра, Ҳиндистонда Ҳоли пайтида одамлар бир-бирига (шу жумладан кўчадаги нотаниш одамларга ҳам) турли рангдаги қуруқ бўёқлар сепиб, рангли сувлар сепишади. Шу билан бирга, қариндошлари ва дўстларини зиёрат қилишади, ширинликлар улашишади ва рақсга тушишади.
Пойтахтдаги байрам Ҳиндистон элчихонаси, Лал Баҳодур Шастри номидаги ҳинд маданият маркази ва ҳинд диаспораси вакилларини бирлаштирган Тошкентдаги ҳинд клуби томонидан ташкил этилди. Иштирокчилар орасида дипломатлар, бизнес вакиллари, турли компания ва ташкилотлар ходимлари, Ҳиндистондан келган талабалар бор эди. Уларга бошқа давлатлар дипломатлари, ўзбек ташкилотлари вакиллари, пойтахт аҳолиси ва меҳмонлари ҳам қўшилди.
Ҳиндистон элчиси Смита Пант иштирокчиларни ҳинд ва ўзбек тилларида қутлади. Уларни байрамлар билан табриклаб, икки давлатнинг дўст халқларига энг эзгу тилакларини изҳор этди.
Байрам Тошкентда қандай ўгани Атул Аннадате суратларида.
Фото
