Балиқ овлаш пайтида йўқолиб қолган 61 ёшли перулик балиқчи уч ойдан сўнг очиқ денгизда тирик ҳолда топилди. Бу ҳақда “Перу 21” нашри хабар бермоқда.
Напа Кастро исмли балиқчини охирги марта 2024 йил 7 декабрда, ўзининг туғилган шаҳри Марконадан балиқчилар қайиғида денгизга чиққанида кўришган. Эркак ўз яқинлари билан алоқада бўлиб турган. Бироқ 10 кундан сўнг Санта-Роса оролидан 65 километр узоқликда бўлганида изсиз ғойиб бўлган.
Унинг кемасида мажбурий кузатув мосламаси — радиомаёқ бўлмаганлиги сабабли уни топишда бир қанча қийинчиликлар юз берган.
Узоқ изланишлардан сўнг қутқарувчилар уни 11 март куни Перу шимолидаги қирғоқларда сувсизланиш, қуёш уриши ва очлик туфайли оғир аҳволда тушиб қолганида топишган. У сўнгги 15 кунни ичимлик сувисиз ўтказган.
Қутқарилгандан сўнг, Напа Кастро маҳаллий оммавий ахборот воситаларига интервью берган.
Унинг айтишича, у қайиқда йиғган ёмғир сувини ичиб, ҳашаротлар, қушлар ва тошбақаларни еганлиги сабабли омон қолган.