Ўзбекистонда 17—20 март кунлари қуруқ ва жуда илиқ об-ҳаво бўлиши кутилмоқда, деб хабар берди “Ўзгидромет”.
Прогнозларга кўра, ҳаво ҳарорати асосан кечалари 7-12 даража илиқ, кундуз кунлари 22-25 даража илиқ, баъзи жойларда 27-30 даражагача илиқ бўлади.
Шамол шарқдан ўртача тезликкача эсади, баъзи жойларда 13-18 метр/секундгача кучайиши мумкин.
Тошкентда ёғингарчилик кутилмайди. Шамол шарқдан 3-8 метр/секунд тезликда эсади. Ҳарорат кечалари 9-12 даража илиқ, кундуз кунлари 22-27 даража илиқ бўлади.