Тошкент шаҳри Миробод туманида 17 март куни руль бошқарувини йўқотган ҳайдовчининг машинаси сувга қулади. Бу ҳақда шаҳар ЙҲХБ хабар бермоқда.

Соат 20:25 ларда Боёвут кўчасида О.Т. (1992 йилда туғилган) Lacetti машинасида эҳтиётсизлик сабаб Абдурауф Фитрат маҳалласи ҳудудидан оқиб ўтувчи Қорасув каналига тушиб кетган.

ЙТҲ оқибатида жароҳат олганлар йўқ. ЙҲХБ масъул ходимлари томонидан суриштирув ишлари олиб борилмоқда.

«Барча йўл ҳаракати қатнашчиларидан қоидаларга риоя қилишларини, тезликни белгиланган меъёрдан оширмасликни сўраймиз», — дейилади хабарда.