Британияда герпесга чалинган эркак туфайли 2 ёшли бола кўр бўлиб қолди.
Британияда икки ёшли болакай оилавий дўсти уни ўпганидан кейин бир кўзидан айрилди. Бу ҳақда Daily Mail хабар берди.
Ота-онанинг айтишича, бола тўсатдан ўзини ёмон ҳис қилган ва умумий вирус юқиш аломатлари пайдо бўлган. Улар шифокорга мурожаат қилганида болага антибиотиклар курси буюрилган. Аммо дорилар болага ёрдам бермаган.
Болага герпес ташхиси қўйилган вақтда касаллик жуда тез ривожланган эди. Герпес кўзнинг шоҳ пардасини шунчалик шикастлаган эдики, у сезувчанлигини йўқотган ва бутунлай кўрмай қолган. Эндиликда шифокорлар боланинг кўриш қобилиятини қайтариш учун курашмоқда.
Ота-онаси бошқа барча ёш болали оилаларни хабардор қилиш учун фаол ташвиқот ишларини олиб бормоқда.
Шифокорлар ҳеч қачон кўчада ва ювилмаган қўллар билан чақалоқни қучоқлаш ва ҳатто тегиш мумкин эмаслигини таъкидлади.