Тошкент шаҳар Мирзо Улуғбек туманидаги ўрта босимли газ қувурига юк машинасининг шикаст етказиши натижасида газ сизиб чиқиш ҳолати кузатилди.
Натижада Ҳумоюн мавзесидаги 480 та ерли хонадон, «А. Югнакий» МФЙ 30 та кўп қаватли уйлардаги 2800 та хонадонда газ таъминоти вақтинча тўхтатилди.
«Ҳудудгазтаъминот» корхонаси ахборот хизмати хабарига кўра, айни вақтда туман газ таъминоти бўлимининг авария бригадаси томонидан таъмирлаш ишлари олиб борилмоқда. Таъмирлаш ишлари якунлангандан сўнг газ таъминоти қайта тикланади.