20−25 март кунлари кутилаётган ёғингарчилик ва ҳаво ҳароратининг ўзгариши муносабати билан Ўзбекистондаги олти вилоятнинг тоғли ҳудудларида қор кўчкиси хавфи эълон қилинди, деб хабар қилди Ўзгидромет.
Кўчки хавфи шу ерларда кутилмоқда:
- Қашқадарё вилоятида: Деҳқонобод, Китоб, Қамаши, Шаҳрисабз туманларида;
- Сурхондарё вилоятида: Бойсун, Қумқўрғон, Сариосиё, Узун туманларида;
- Самарқанд вилоятида: Нуробод, Қўшработ, Самарқанд, Ургут туманларида;
- Жиззах вилоятида: Бахмал ва Зомин туманларида;
- Тошкент вилоятида: Оҳангарон, Бўстонлиқ ва Паркент туманларида (Чотқол тизмасининг тоғлари);
- Наманган вилоятида: Поп туманида.
Тоғли ҳудудларда яшовчи фуқаролар, дам олувчилар ва тоғли ҳудудларга кетаётган ҳайдовчилардан эҳтиёт чораларини кўриш сўралади.
