Бугун, 19 март куни Қозон шаҳрида Россиядаги энг катта Рамазон ифторлиги ўтказилади. Бу ҳақда Татаристон мусулмонлари диний бошқармаси раиси, муфтий Камил Самигуллин РИА Новостига маълум қилди.
Унинг айтишича, Россиядаги энг катта ифторлик «Қозон Экспо» майдонида бўлиб ўтади. Унда дин, жамоат, маданият ва давлат арбоблари, жами 13 минг киши қатнашиши кутилмоқда. Тадбирни ўтказишга 800 нафар кўнгилли жалб этилган, уларнинг энг кичиги — 15, энг ёши улуғи — 70 ёшда.
Муфтий аниқлик киритишича, ифторда барча истовчилар қатнашиши мумкин.