АҚШ президенти Дональд Трамп Украина етакчиси Владимир Зеленский билан «жуда яхши телефон суҳбати» ўтказганини маълум қилди. Суҳбат бир соатча давом этди.
Муҳокамаларнинг аксарияти Россия ва Украинанинг талаб ва эҳтиёжларини мувофиқлаштириш мақсадида Путин билан кечаги суҳбат ҳақида бўлди, деди АҚШ президенти.
«Биз тўғри йўлдан кетяпмиз ва мен давлат котиби Марко Рубио ҳамда миллий хавфсизлик бўйича маслаҳатчи Майк Уолтьцдан муҳокама қилинаётган бандларнинг аниқ тавсифини беришни сўрайман. Бу борадаги баёнот тез орада эълон қилинади», — дея қўшимча қилди Трамп.
Бир кун аввал Трамп Владимир Путин билан телефон орқали мулоқот қилганди. Давлат раҳбарлари «Украинада тинчлик ва ўт очишни тўхтатиш зарурлиги ҳақида гаплашган». Оқ уйга кўра, етакчилар Украинадаги уруш «мустаҳкам тинчлик» билан тугаши кераклигига келишиб олди. Кремлга кўра, Путин можаро томонларининг энергетика инфратузилмасига зарба беришдан 30 кун давомида тийилишини қўллаб-қувватлади.
