Андижон вилояти Шаҳрихон туманида ҳаракатланиб кетаётган “ЗИЛ” бутунлай ёниб кетди. Вилоят ФВБ ҳолатга изоҳ берди.
Унда айтилишича, ҳолат 19 март куни соат 21:30 да Шаҳрихон тумани “Дастирхончи” МФЙ ҳудудида содир бўлган. Ҳаракатланиб кетаётган юк машинасида ёнғин содир бўлаётгани ҳақида Андижон вилояти ФВБга хабар келиб тушган.
Ҳозирда кўрилган тезкор чоралар натижасида содир бўлган ёнғин батамом ўчирилган. Ҳодиса натижасида тан жароҳати ҳолатлари қайд этилмади.
Ёнғин содир бўлиш омиллари ва моддий зарар миқдори аниқланмоқда.
- 11 март куни Тошкент вилояти Ангрен шаҳрида юк ташувчи машина ёниб кетганди.
- 10 март куни Қашқадарё вилояти Касби туманидаги ёнилғи қуйиш шохобчасида иккита цистерна ёниб кетди.
- 14 март куни Нукусда пропан олиб кетаётган юк машинаси ағдарилиб кетганди.