iChip портали таҳририяти 30 минг рубл (тахминан 355 доллар)гача нархланган энг яхши камерофонлар рейтингини тузди.
Tecno Camon 40 Pro 5G рўйхатни очиб берди. Смартфоннинг асосий 50 мегапикселли камерасида Sony LYT-700С сенсори ўрнатилган.
Экспертлар бу смартфон кундузи ва кечаси сифатли тасвирлар олиши, портрет-суратларда ранглар табиийлиги сақланиши ҳамда селфи-камераси 50 Мп эканлигига эътиборни қаратишди.
Redmi Note 13 Pro 5G — иккинчи ўринда. Кундузги ёрқин қуёшда ҳам унинг тасвирлар сифати юқори, аммо ёруғлик кам шароитда олган фотолари ҳақида бундай дейиш қийин.
Мутахассислар смартфоннинг ултракенгбурчакли камерасига ҳам паст баҳо қўйишди — суратлар деталланиши қониқарли эмас.
Samsung Galaxy A35 5G — учинчи ўринда. Бу смартфон қўзғалмас объектларни яхши ёруғлик шароитида олишга мос. Қоронғу тушиши билан смартфоннинг тасвирий имкониятлари бирмунча чекланади.
Рейтингга Google Pixel 4a, Motorola Moto G85 5G ва Honor Magic6 Lite смартфонлари ҳам киритилди.