Австралиянинг Филиндерс университети тадқиқотчилари кенгурулар нега сакрашини аниқлашди.
Уларнинг фикрича, ҳаракатланишнинг бу усули — эволюциянинг тўрт оёқлаб юришдан кейинги навбатдаги босқичидир.
Олимлар сакровчи кенгуру жумбоғини ечиш учун унинг яқин қариндоши ва катта эҳтимол билан аждоди — мускусли кенгурунинг ҳаракатланишини кузатишди (бу жониворни кенгурусимон каламуш ҳам дейишади).
Бўйи атиги 20 сантиметр, оғирлиги 500 грамм атрофида бўлган бу сутэмизувчи ҳам орт оёқларида ҳаракатланади, олдинга интилиш учун эса олд оёқларидан фойдаланади. Зоологларнинг айтишича, бу тўрт оёқлаб юришдан икки оёқда юришга ўтиш ўртасидаги оралиқ босқич бўлиши мумкин.
Фото: iNaturalist
Олис ўтмишда, худди бошқа халталилар сингари, кенгурунинг ҳам тўрт оёқлаб юрган аждоди яшаган бўлиши мумкин. Сўнгра мускусли кенгуруга ўхшаган майда жонивор пайдо бўлган, у эса вақтлар ўтиб сакровчи кенгуруга айланган, дейишмоқда олимлар.