Наврўз умумхалқ байрами муносабати билан 23 март куни Тошкент шаҳрида навбатдаги отлар паради ўтказилди. «Dunyouzbeklari.Com» фотомухбири Мурод Юсуф 100 бошга яқин зотдор от иштирокидаги параддан фоторепортаж тайёрлади.
Миллий гвардия ахборот хизматининг «Dunyouzbeklari.Com»га маълум қилишича, тадбир Миллий гвардия, ДХХ Чегара қўшинлари, Ички ишлар ва Мудафаа вазирликлари ҳамда пойтахт ҳокимлиги ҳамкорлигида ташкил этилди. Унда тулпорларни от спорти вакиллари, хусусан, Миллий гвардия ва ички ишлар органларининг отлиқ кавалерия бўлинмалари чавандозлари, Йилқичилик ва от спорти федерациясининг от спорти бўйича Ўзбекистон миллий терма жамоаси аъзолари бошқариб борди.
Миллий гвардияга қарашли бир қанча муассасанинг оркестр жамоалари «Ўзбекистон» меҳмонхонаси ва Халқаро анжуманлар саройи олдида чиқиш қилди. Парад иштирокчилари «Ўзбекистон» меҳмонхонаси автотураргоҳидан Амир Темур хиёбони бўйлаб Hyatt меҳмонхонаси автотураргоҳигача бўлган масофада ҳаракатланди.
Фото
