Беларус президентлигига қайта сайланган Александр Лукашенконинг инаугурация маросими бугун, 25 март куни бўлиб ўтади. Бу ҳақда мамлакат МСКга асосланиб БелТА хабар берди.
Маросим маҳаллий вақт билан соат 12:00 да бошланади.
Марказий сайлов комиссияси 3 феврал куни Беларус президентлиги учун сайлов якунларини эълон қилган ва унга кўра, Александр Лукашенко 86,82 фоиз овоз тўплаб ғолиб бўлганди.
Александр Лукашенко 1994 йилдан буён Беларусдаги энг олий давлат лавозимини эгаллаб келмоқда, навбатдаги президентлик муддати — қаторасига еттинчиси.