Ёшлар ишлари агентлиги «Ёшлар учун минг китоб» («1000 китоб») лойиҳаси доирасида нашрга тайёрланган китобларни чоп этиш бўйича босмахоналар учун танлов (тендер) эълон қилди. Бу ҳақда «1000 китоб» лойиҳасининг ижтимоий тармоқлардаги саҳифаларида маълум қилинди.

Тендерга лойиҳа доирасида 2024 йили нашрга тайёрланган 50 та китобдан биринчи босқичда 27 номдаги китоб қўйилган. Бунда ҳар бир китобдан 3 минг нусхадан чоп этилади.

Лотнинг умумий қиймати 1,46 млрд сўмдан ортиқ бўлиб, бунда рўйхатдаги энг арзон (Oxford University Press’нинг «Сиёсат: Ўта қисқа таништирув») китобнинг бир нусхаси кўпи билан 12 минг сўмдан, энг қиммат (Адиб Холиднинг «Мусулмон маданий ислоҳоти сиёсати: Туркистонда жадидчилик») китобнинг бир нусхаси кўпи билан 46 минг сўмдан чоп этилиши назарда тутилган.

Тендерда Ўзбекистон ҳудудида жойлашган, сўнгги 3 йил давомида нашр соҳасида фаолият юритган ва тегишли техник талабларга мос равишда илгари чоп этилган китоблари бор босмахоналар қатнашиши мумкин.

«Босмахона танловда ғолиб бўлган тақдирда буюртмачи вакилларига китобларни чоп этиш жараёнини бевосита жойида кузатишига шароит яратиб бериши зарур», — дейилади «1000 китоб» лойиҳаси эълон қилган хабарда. Тендер ғолиби билан шартнома имзолангач, босмахона китобларни 45 кун ичида чоп этиб, етказиб бериши керак.

«1000 китоб» вакилларининг «Dunyouzbeklari.Com» маълум қилишича, босмахона томонидан етказиб берилган тайёр китоблар бутун Ўзбекистондаги ахборот-кутубхона марказлари ва таълим муассаларига бепул тарқатилади.

27 китоб рўйхати

  • «Экология: Ўта қисқа таништирув» («Ecology», Jaboury Ghazoul, Oxford University Press (OUP));
  • «Глобаллашув: Ўта қисқа таништирув» («Globalization», Manfred Steger, OUP);
  • «Интеллект: Ўта қисқа таништирув» («Intelligence», Ian J. Deary, OUP);
  • «Мафкура: Ўта қисқа таништирув» («Ideology», Michael Freeden, OUP);
  • «Мия: Ўта қисқа таништирув» («The Brain», Michael O’Shea, OUP);
  • «Тарих: Ўта қисқа таништирув» («History», John H. Arnold, OUP);
  • «Уруш ва Технология: Ўта қисқа таништирув» («War and Technology», Alex Roland, OUP);
  • «Либерализм: Ўта қисқа таништирув» («Liberalism», Michael Freeden, OUP);
  • «Демократия: Ўта қисқа таништирув» («Democracy», Bernard Crick, OUP);
  • «Инсон ҳуқуқлари: Ўта қисқа таништирув» («Human Rights», Andrew Clapham, OUP);
  • «Банк: Ўта қисқа таништирув» («Banking», John O. S. Wilson, John Goddard, OUP);
  • «Фандаги инқилоб: Ўта қисқа таништирув» («Scientific Revolution», Lawrence M. Principe, OUP);
  • «Фалсафа: Ўта қисқа таништирув» («Philosophy», Edward Craig, OUP);
  • «Таълим: Ўта қисқа таништирув» («Education», Gary Thomas, OUP);
  • «Сиёсат: Ўта қисқа таништирув» («Politics», Kenneth Minogue, OUP);
  • «Капитализм: Ўта қисқа таништирув» («Capitalism», James Fulcher, OUP);
  • «Социализм: Ўта қисқа таништирув» («Socialism», Michael Newman, OUP);
  • «Популизим: Ўта қисқа таништирув» («Populism: A Very Short Introduction», Cas Mudde, Cristobal Rovira Kaltwasser, OUP);
  • «Психология: Ўта қисқа таништирув» («Psychology», Freda McManus, Gillian Butler, OUP);
  • «Этика. Асослар» («Ethics: The Fundamentals», Julia Driver, Wiley—Blackwell)
  • «Коррупция: Буни ҳамма билиши керак» («Corruption: What Everyone Needs to Know», Ray Fisman, Miriam A. Golden, OUP);
  • «Муҳофазакорлик бўйича қисқача қўлланма» («Concise Guide to Conservatism», Russell Kirk, Regnery Gateway);
  • «Иқлим ўзгариши: Барча билиши керак бўлган маълумотлар» («Climate Change: What Everyone Needs to Know», Joseph Romm, OUP);
  • «Фалсафа. Асослар» («Philosophy: The Basics», Nigel Warburton, Routledge);
  • «Ер тарихи. Илк 4,5 млрд йил: Юлдуз чангидан жонли сайёрагача бўлган йўл» («The Story of Earth: The First 4.5 Billion Years, from Stardust to Living Planet», Robert M. Hazen, Curtis Brown нашриёти)
  • «Мусулмон маданий ислоҳоти сиёсати: Туркистонда жадидчилик» («The Politics of Muslim Cultural Reform: Jadidism in Central Asia», Adeeb Khalid, University of California Press)
  • «Институтлар, институционал ўзгариш ва иқтисодий ижро» («Institutions, Institutional Change and Economic Performance (Political Economy of Institutions and Decisions)», Douglass Cecil North, Cambridge University Press).