Мадриднинг “Реал” клуби “Ливерпуль” футболчиси Алексис Макаллистерга қизиқиш билдирмоқда. Бу ҳақда Marca нашри хабар берди.
“Қироллик клуби” раҳбарияти Алексиснинг ўйини жамоа услубига мос келади дея ўйламоқда. Шу боис мадридликлар футболчининг атрофидаги вазиятни кузатиб турибди. Агар имкон топилса, клуб аргентиналик футболчини ўз сафига қўшиб олади.
Макаллистерминг трансфери қиймати 90 миллион еврони ташкил қилади. Унинг “қизиллар” билан шартномаси 2028 йилнинг ёзига қадар амал қилади.
Жорий мавсумда ярим ҳимоячи мерсисайдликлар сафида 44 та ўйинда иштирок этиб, ўз ҳисобига олтита гол ва тўртта голли узатмани ёздириб қўйган.
Аввалроқ ОАВда “Реал” “Ливерпуль”нинг бошқа аъзоси — Александр Арнольдни ўз сафига қўшиб олмоқчилиги ҳақида хабарлар тарқалган эди.