Ватиканда кеча, 7 май куни ўтган конклавда кардиналлар янги понтифик, яъни Папани сайлай олишмади.
Сикстин капелласи мўрисидан қора тутун кўтарилди — бу овоз бериш натижа бермаганини англатади.
Овоз бериш уч соатдан узоқроқ чўзилган. Рим папаси сайланиши учун 133 кардиналнинг камида 89 нафари бир номзодга овоз бериши шарт.
Конклавнинг илк куни оқ тутунни кўриш умидида Авлия Пётр майдонига 45 мингдан ортиқ одам келди, деб хабар берди Vatican Media.