PhantomOfEarth тахаллуси остидаги инсайдер жамоат жойларида шахсий маълумотларни ҳимоя қилишни яхшилаш учун мўлжалланган ҳали эълон қилинмаган, аммо фойдали бўлиши кутилаётган Windows 11 хусусияти ҳақида гапирди.
«Кузатувчини аниқлаш» деб номланган янгилик фойдаланувчини бошқа биров унинг қурилмаси экранига қараётгани ҳақида огоҳлантиради.
Манбанинг тушунтиришича, ноутбукка бегона киши қараётгани аниқланса, экраннинг кўринишини камайтириш учун ноутбук экранини қорайтиради ёки фойдаланувчини огоҳлантиради. Янги хусусият ишлаши учун қурилма мавжудлик сенсори билан жиҳозланган ва Qualcomm Snapdragon X, AMD ёки Intel технологиясига мос чипда ишлаши керак.
«Кузатувчини аниқлаш» функциясини ишга туширишнинг аниқ вақти ҳали номаълум.