Покистон ва Ҳиндистон кескинлигида ҳинд томонидан 16 киши ҳалок бўлди.
Покистоннинг ҳужумларида 16 киши, жумладан, уч аёл ва беш бола ҳалок бўлди, дея хабар беради Ҳиндистон Мудофаа вазирлиги Х ижтимоий тармоғида.
Вазирликнинг билдиришича, Ҳиндистон қўшинлари Покистон ҳудудидан миномёт ва артиллерия ўқларини тўхтатиш учун жавоб чораларини кўрган.
7 майга ўтар кечаси Ҳиндистон Покистон ҳудуди ва Кашмирнинг у назоратидаги қисмидаги бир нечта нишонларга зарба берди. Таъкидланишича, 9 та “террорчилик инфратузилмаси” объекти нишонга олинган. Покистон расмийлари ҳалок бўлганлар сони 30 дан ошганини маълум қилди.