Билл Гейтс деярли бор бойлигини 20 йил мобайнида хайрия қилмоқчи. Унинг 108 млрд доллари Gates Foundation жамғармаси орқали тарқатилади.
«Пулларимни жамиятга ўзим режалагандан тезроқ қайтаришга қарор қилдим. Келгуси 20 йил давомида деярли барча бойликларим Гейтс жамғармаси орқали дунёдаги одамларни қутқариш ва уларнинг турмушини яхшилаш мақсадлари учун тарқатилади. 2045 йилнинг 31 декабрида жамғарма эшиклари батамом ёпилади», — деб ёзди Гейтс ўз сайтида.
