Қўшма Штатлар Германияга Украина учун 125 та узоқ масофали артиллерия ракетаси ва 100 та Patriot ракетасини топширишга рухсат берди. Бу ҳақда New York Times ўз манбасига таяниб хабар бермоқда.
Нашрнинг эслатишича, ўта зарур қуроллар АҚШда ишлаб чиқарилади ва улар бошқа давлатга тегишли бўлса ҳам, Америка ҳукумати рухсатисиз экспорт қилиниши мумкин эмас.
Маълумот ўрнида, АҚШ Давлат департаменти Киевга биринчи марта Дональд Трамп даврида қурол сотишни маъқуллади.
Жорий йилнинг 29 апрель куни Америка Конгресси юқори палатаси сайтида АҚШ Давлат департаменти Киевга “мудофаа маҳсулотлари, жумладан, техник маълумотлар”, шунингдек, қиймати 50 миллион доллар ва ундан кўпроқ бўлган “мудофаа хизматлари”ни етказиб беришга рухсат бергани ҳақида ҳужжат эълон қилган эди.