2025 йилги Канн кинофестивали аввалгилардан фарқ қилади, чунки тадбир бошланишидан бир неча кун олдин ҳаддан ташқари очиқ кийимларга тақиқ қўйилгани маълум бўлди: “Одоб-ахлоқ қоидалари туфайли очиқ кийиниш қизил гиламда ҳам, фестивалнинг бошқа жойларида ҳам тақиқланади. Меҳмонлар билан учрашганда, ташкилотчилар ушбу қоидаларга риоя қилмаган ҳар қандай кишининг қизил гиламга киришини тақиқлашлари керак”, деб ёзилганди расмий баёнотда.
Фестивалга аллақачон очиқ кийимлар буюртма қилган машҳурлар қандай қилиб вазиятдан чиқишгани номаълум — чунки одатда, бундай тадбирларга тайёргарлик бир неча ой давом этади. Бироқ бу йилги қизил йўлакда ҳамма нарса тартибли эди: фақат йирик бриллиантлар ва энг яхши дизайнерлардан буюртма қилинган либослар эътиборни тортарди, юлдузлар эса очиқ кийимларини афтепати учун қолдиришга қарор қилишди.
Қизил гиламда баъзи таниқли шахслар кўйлакнинг пастки қисмидаги узун кесмалар ёрдамида вазиятдан чиқишга ҳаракат қилишди. Бундай ҳолат Хайди Клум ва Изабел Фонтана, ва албатта, ўзига хос камтарона кўйлак кийган Белла Ҳадид томонидан кузатилди. Аммо ёпиқ кийим билан ҳайратга солганлар ҳам бор эди — улар орасида Ирина Шейк фақат елка қисмини очиб, Armani Prive’нинг ҳашаматли кўйлагини кийди — ҳатто Шейкнинг қўллари ҳам зич қўлқоплар билан ёпилган эди. Унинг образи фестивалдан бир кун олдин шошилинч равишда тайёрланганга ўхшамасди — эҳтимол модел услубини бутунлай ўзгартиришга қарор қилгандир.
Ирина Шейк Armani Prive’da
Шанина Шайк
Ева Лонгория Тамара Ралпҳъда
Хайди Клум Элиэ Саабъда
Жулия Гарнер Gucciъда
Белла Ҳадид
Кристин Сан
Жулет Бинош
Каролина Даур
