Ўзбекистон Суперлигасининг 10-турида “Хоразм” ўз майдонида Муборакнинг “Машъал” клубини қабул қилиб, йирик ҳисобда ғалаба қозонди. Урганчликлар Шаҳром Самиев ва Суннатилло Абдуллажоновнинг голлари мезбонларга муҳим уч очкони тақдим этди.
Учрашув бошиданоқ “Хоразм” ташаббусни қўлга олди. 7-дақиқада Шаҳром Самиев ҳисобни очди. Орадан 12 дақиқа ўтиб, яна ўша Самиев рақиб дарвозасига тўп киритиб, дублга эришди – 2:0.
Иккинчи бўлимда ҳам урганчликлар тўхтамади. 58-дақиқада бу сафар Суннатилла Абдуллажонов навбатдаги гол муаллифига айланди ва жамоасининг устунлигини мустаҳкамлади – 3:0.
Шундан сўнг “Машъал” ҳисобни қисқартиришга ҳаракат қилди, бироқ ҳимоя чизиғида ишончли ҳаракат қилган мезбонлар дарвозасини дахлсизлигини сақлаб қолди.
Ушбу ғалабадан сўнг “Хоразм” очколар сонини 11 тага етказиб, турнир жадвалининг 10-поғонасига кўтарилди. “Машъал” эса шунча очко билан 12-ўринда бормоқда.
Ўзбекистон Суперлигаси
10-тур
18 май, якшанба
“Хоразм” — “Машъал” 3:0
Голлар: 1:0 — Самиев (7), 2:0 — Самиев (12), 3:0 — Абдуллажонов (58).