Катта теннис энг чиройли спорт турларидан бири ҳисобланади ва бу бежиз эмас, чунки теннисчилар бунинг энг ёрқин тасдиғидир. Бу теннисчи қизлар касбдошларининг орасида энг чиройли ва келишган қадди-қоматга эга.
Теннисни умуман тушунмасангиз ҳам, ҳар куни машғулотларда бор кучини сарфлайдиган ва ўзини назорат қиладиган аёлларнинг ташқи кўринишига эътибор беринг. Бу бутун дунёга машҳур бўлган ажойиб қоматли энг гўзал теннисчиларнинг топ-10 лигидир.
Даниэль Коллинз, АҚШ
Даниэль Коллинз 31 ёшда, у АҚШ терма жамоаси таркибида бешта WTA турнирида ва Федерация кубогида ғалаба қозонган. Даниэль теннисдан бўш вақтларида, унинг ижтимоий тармоқларига кўра, шоҳона ҳаёт кечиради ва мода намойишларига боради, реклама лойиҳаларида суратга тушади ҳамда кўп саёҳат қилади.
Магда Линетт, Польша
Магда теннисга тасодифан кириб қолмаган, унинг отаси бу спорт тури бўйича мураббий. Магда 33 ёшда ва у аллақачон тўртта WTA турнирида ғолиб чиққан (улардан иккитаси яккалик баҳсларида). Спортдан ташқари, у гўзаллик ва мода соҳасига қизиқади ва кўплаб брендларнинг юзига айланган.
Эмма Наварро, АҚШ
Эмма Наварро Нью Йоркда туғилган, аммо келиб чиқиши италян миллатига мансуб. Спортчи 24 ёшда ва у аллақачон спорт оламида танилган, ҳатто WTA турнирининг яккалик баҳсларида ғолиб чиққан. Унинг теннисдаги дебюти 15 ёшида отаси, йирик тадбиркор Бен Наваррога тегишли бўлган Charleston Live To Play Tennis Club турнирларида бўлиб ўтган.
Мирра Андреева, Россия
Мирра Андреева — 18 ёшда. Ёш бўлишига қарамай, қизнинг кўплаб унвон ва мукофотлари бор ҳамда ўтган йили у ITF ўсмирлар рейтингида дунёнинг биринчи рақамли теннисчисига айланди. Мирра Красноярскда туғилган, аммо кейин оиласи билан Москвага, сўнг эса Каннга кўчиб ўтган. Унинг катта синглиси Эрика Андреева ҳам профессионал теннисчи.
Кети Боултер, Буюк Британия
27 ёшли Кети Боултер беш ёшидан теннис ўйнашни бошлаган ва саккиз ёшиданоқ турли мусобақаларда Буюк Британия шарафини ҳимоя қилган. Бугунги кунда унинг рўйхатида кўплаб совринлар, жумладан, учта WTA турнирининг яккалик баҳсларидаги ғалабалар бор. Бундан ташқари, қиз тез-тез машҳур журналларнинг қаҳрамонига айланади, жумладан 2018 йилда унинг суратлари Vogue журналида жойлаштирилган.
Донна Векич, Хорватия
28 ёшли Донна Векич тўртта WTA турнирининг яккалик баҳсларида ғолиб чиққан ва 2023 йилда Австралия очиқ чемпионатида энг яхши натижани қайд этган. Донна спортчилар оиласида туғилган: унинг отаси собиқ профессионал футбол дарвозабони, онаси эса тўсиқлар оша югуриш билан шуғулланган. Бўш вақтларида Донна шоҳона тадбирларда қатнашади ва саёҳат қилади.
Айла Томлянович, Австралия
32 ёшли Айла Томлянович 2014 йилгача Хорватия терма жамоасида ўйнаган, аммо кейин Австралия фуқаролигини олган. У 2008 йилда Австралия очиқ чемпионатида қизлар ўртасидаги жуфтлик баҳсларида ғалаба қозонганидан кейин танила бошлаган. Айла, шунингдек, ўсмирлар рейтингида дунёнинг собиқ тўртинчи ракеткаси сифатида ҳам танилган. Спортдан ташқари қиз дўстлари, оиласи ва итлари билан вақт ўтказади.
Оливия Гадеки, Австралия
Рейтингимиздаги яна бир австралиялик теннисчи Оливия Гадеки. Қиз 23 ёшда, келиб чиқиши полшалик. Сўнгги уч йил ичида Оливия ўзини яхши кўрсатди: яккалик баҳсларида учта ITF турнири ва жуфтлик баҳсларида ўнта ITF турнири ғолиби бўлди. Шундан сўнг, ижтимоий тармоқлардан кўриниб турибдики, у тез-тез дунёвий мода тадбирларига таклиф қилина бошлаган.
Мария Саккари, Греция
29 ёшли Мария Саккари фахрланса арзийдиган ғалабаларга эришиб улгурган: у “Катта дубулға” туркумига кирувчи турнирнинг яккалик баҳсларида чорак финал ва ярим финалга қадар етиб борган юнонистонлик илк теннисчи ҳисобланади. Айтганча, Мариянинг ўрнак оладиган одамлари бор: унинг онаси Анжелика Канеллопулу ҳам теннисчи бўлиб, у 1987 йилда эса WTA яккалик рейтингининг энг яхши 50 талигига кирган. Тўғри, ўша пайтда ижтимоий тармоқлар йўқ эди, шунинг учун у қизи каби машҳур бўлолмади.
Данка Ковинич, Черногория
30 ёшли Данка Ковинич 2011 йилда Черногориянинг энг яхши ёш спортчиси ва 2016 йилда Черногориянинг энг яхши аёл теннисчиси деб топилди. Шунингдек, унинг карьерасида битта WTA жуфтлик турнирида қозонилган ғалаба бор. Ижтимоий тармоқлардаги суратларга кўра, Данка теннисдан ташқари, модани ҳам яхши кўради: у тез-тез лифтда ўз тасвирларини жойлаштиради ва фешн-шоуларга боради.