УЕФА Миллатлар Лигаси 2024/25 йилги мавсуми учинчи ўрин учун баҳс якунига етди. Унда Германия ва Франция терма жамоалари ўзаро тўқнаш келишди. Учрашув Германиянинг Штутгарт шаҳрида жойлашган “Штутгарт Арена” стадионида бўлиб ўтди.
Ўйинда Франция терма жамоаси 2:0 ҳисобида ғалаба қозонди. Учрашувдаги ҳисоб 45+1-дақиқада Килиан Мбаппе томонидан очилди. Иккинчи бўлим бошида Германия сафида Дениз Ундав ҳисобни тенглаштирди, бироқ VAR орқали гол бекор қилинди.
84-дақиқада Франция иккинчи голни урди: Майкл Олисе таблодаги ҳисобни 2:0 кўринишига келтириб қўйди.
Мазкур натижа учрашув охирига қадар ўзгармади ва Франция Миллатлар Лигаси бронза медалига эга чиқди.
Миллатлар Лигаси
3-ўрин учун баҳс
8 май, якшанба
Германия — Франция 0:2
Голлар: 0:1 — Мбаппе (45+1), 0:2 — Олисе (84).