Машҳур инсон бўлиш ҳиссини бошдан кечириш сиз ўйлагандек қийин эмас. Масалан, севимли юлдузингиз ишлатадиган атирдан фойдалансангиз кифоя. Ушбу мақолада қайси хушбўй ҳидлар Ким Кардашьяннинг юрагини забт этгани, Селена Гомес ва Бейонсе ҳар куни қандай атир ишлатишини билиб оласиз.
Женнифер Лопез
Женнифер Лопез — атир ишқибози сифатида танилган санъаткор. У атирларни шунчалик яхши кўрадики, 1998 йилдаёқ ўз бренди остида бир нечта композицияларни тақдим этган. Қолаверса, у ҳар куни айнан ўзининг шу атирларидан фойдаланади. Унинг энг севимли ароматлари — Glow ва Promise by J.Lo эканини Bridie журналига берган интервьюсида айтган.
Ким Кардашьян
Ким Кардашьян Tom Ford’нинг Black Orchid атирини шунчалик яхши кўрадики, ҳар доим айнан шу ҳидга эга атирни танлайди. Бу парфюмерия суви қора труфел, қора оркиде, қора олча, ром абсолюти ва патчули ноталари билан машҳур ва жозибали уйғунликка эга.
Селена Гомес
Селена Гомезнинг Rare Beauty бренди ўзининг парфум спрейи ишлаб чиқаради, ҳатто 2011 йилда у ўз номи остида атир ҳам чиқарган. Аммо машҳур санъаткор қалбида йиллар давомида ягона севимли арома сақланиб қолган. Бу Marc Jacob’нинг Daisy атири, нафис ифор билан ажралиб туради.
Кайли Женнер
Юлдуз катта атир коллекциясига эга бўлишига, ҳатто бир неча жавонларни атир билан тўлдирган бўлса ҳам ижтимоий тармоқларида энг кўп фойдаланадиган атири ҳақида айтган. Бу Mon Guerlain брендининг нафис ифори. Мазкур француз бренди яратган арома лаванда, ясмин, ванил ва сантал ҳидлари билан ажралиб туради.
Рита Ора
Harper’s Bazaar учун тайёрланган “Сумкам ичида нима бор?” ролигида Рита Ора севимли атири ҳақида гапириб, у Chloe Atelier des Fleurs брендидан Magnolia Alba эканини айтган. Бренд сайтида ёзилишича, бу аромада цитрус ва гулларнинг хушбўй ҳидлари бирлашган. Атир кунлик фойдаланиш учун мўлжаланган тетиклантирувчи ва бетакрор ҳидга эга.
Клаудия Шиффер
2017 йилда чиққан Burberry’нинг Garden Roses атири Клаудия Шифферга жуда ёқди. Модель бу атирни шу даражада севиб қолган эдики, кунига бир неча марта қайта-қайта сепар эди. Шу сабабли, бренднинг креатив директори Рикардо Тиши ҳатто унинг инициалларини атир шишасига туширишга қарор қилган.
Бейонсе
Бейонсе Лондонда Renaissance тур концерти пайтида чиқишдан сўнг дарҳол Harrods гўзаллик марказига йўл олган ва ўзининг севимли буюмларидан бир нечтасини харид қилган. Улар орасида унинг севимли атири Angelsʼ Share by Kilian бўлган.
Қиролича Камилла
Голливуд юлдузи бўлмаса ҳам, машҳурлик эришган шахс қиролича Камилла йиллар давомида Robert Piguet брендининг Bandit номли атиридан фойдаланиб келган. Public журналига кўра, бу атир илк бор 1944 йилда яратилган бўлиб, таркибида гуллар аралашмаси бўлганлиги туфайли кўплаб мухлисларнинг қалбидан жой олган. Ҳатто Британия қироличасининг ҳам.