Ижтимоий тармоқларда Тошкентда 110 мингта уй бузилаётгани ҳақидаги хабарлар ҳақиқатга тўғри келмайди, деб хабар берди Қурилиш ва уй-жой коммунал хўжалиги вазирлиги.
Ташкилотнинг қайд этишича, мамлакатда кўп хонадонли уй-жой фондининг сейсмик ҳолати ўрганилмоқда ва баҳоланмоқда. Ушбу чора-тадбирлар профилактика характерига эга бўлиб, фуқаролар хавфсизлигини таъминлашга қаратилган.
«Ҳозирда ҳеч қандай расмий ҳужжатларга эга бўлмаган битта объектда сейсмик талабларга мос келмаслик ҳолати аниқланган. Фуқаролар хавфсизлигини таъминлаш мақсадида ушбу объект бўйича белгиланган тартибда тегишли чора-тадбирлар кўрилган», — дейилади хабарда.
Вазирлик бугунги кунда турар жой биноларини оммавий бузиш бўйича қарор ёки режалар мавжуд эмаслигини та’кидлади.
Фуқаролар ишончсиз манбалардан олинган маълумотларга ишонмасликка чақирилди. Идора ёлғон маълумот тарқатганлик учун жавобгарлик борлигини эслатди.
