Давлат хавфсизлик хизмати Фарғона вилояти бошқармаси ходимлари 9 июнь куни Риштон тумани «Юқори Авазбой» МФЙда яшовчи фуқаро уйида 10 нафар болага ҳужра шароитида ноқонуний тартибда диний сабоқ бераётганини аниқлади. Бу ҳақда ДХХ матбуот хизмати хабар қилди.
Болаларнинг тўрт нафари 2015, уч нафари 2017 ва икки нафари 2019 йилда туғилган.
Видеодан скрин.
10 июнь куни ўтказилган тезкор тадбир давомида Бағдод тумани «Наврўз» МФЙда яшовчи 1969 йилда туғилган фуқаро ҳам ўз уйида ноқонуний тарзда диний таълим бераётгани фош қилинган. Маълум қилинишича, у ойига бир миллион сўм эвазига 17 нафар болага сабоқ бериб келган.
Болаларнинг асосий қисми Тошкент шаҳри, Андижон ва Жиззах шаҳарларидан келиб таҳсил олган.
11 июнь кунги тезкор тадбирда Бувайда тумани «Шўр» МФЙда яшовчи 1977 йилда туғилган шахснинг ҳам ноқонуний диний таълим бериб келаётгани аниқланган.
У ўз уйида Қашқадарё, Наманган вилоятлари, Бувайда, Боғдод ва Данғара туманларидан келган 14 нафар вояга етмаган болана тасдиқланмаган диний адабиётлардан сабоқ бериб келган.
Видеодан скрин.
Ҳозирда ҳужра ташкил этган шахслар ва ноқонуний сабоқ олган болаларнинг ота-оналарига нисбатан Маъмурий жавобгарлик тўғрисидаги кодекснинг тегишли моддалари билан ҳужжатлар расмийлаштириб, судларга юборилган.
