Humans Octobank’ка нисбатан қарши қарши даъво тайёрлаётганини маълум қилди.
Бир кун олдин Octobank Humans молиявий хизмати тизимдан узилганини эълон қилганди. 13 июндан бошлаб Visa кобейжинг карталарига хизмат кўрсатиш тўхтатилди. Банк Humans’дан 500 миллиард сўмдан ортиқ қарздорликни ундириш ва зарарни қоплаш тўғрисида даъво қўзғатди.
Humans’нинг даъвоси, ўз навбатида, банкнинг «шартнома мажбуриятларини мунтазам равишда бажармагани» билан боғлиқ.
«Humans Visa карталари эгаларининг мурожаатлари банк томонидан умуман эътиборсиз қолдирилган ёки жиддий кечикишлар билан кўриб чиқилгани каби юзлаб қоидабузарликлар қайд этилган. Гап банкнинг асосий операцион жараёнларининг яроқсизлиги туфайли Humans Visa’нинг якуний фойдаланувчилари азият чеккани ҳақида кетмоқда», — дейилади компания хабарида.
Humans’нинг таъкидлашича, «мижозлари манфаатларини кўзлаб, Humans бу масалаларни бир неча бор кўтарган, вазиятни тўғрилашга ҳаракат қилган, аммо банк эмитент вазифасини бажара олмаслигини доимий равишда тасдиқлаган».
Шу билан бирга, компаниянинг аниқлик киритишича, Humans Visa карталарига хизмат кўрсатишни тўхтатиш қарори банк томонидан бир томонлама қабул қилинган.
«Пул маблағлари ҳисобингизда тўлиқ қолади ва улардан, жумладан, Humans алоқа хизматларини тўлаш учун фойдаланиш мумкин», — дейилади хабарда.
Бошқа хизматлар, жумладан, мобил алоқа ва балансни тўлдириш, картадан картага пул ўтказмалари, илова орқали хизматлар учун тўлов ва бошқалар одатдагидек чекловларсиз ишлашда давом этади.