2025 йилнинг январь-апрель ойларида республикада алоқа ва ахборотлаштириш хизматлари ҳажми 23,6 трлн сўмга етди.
Миллий статистика қўмитаси маълумотларига кўра, ушбу турдаги хизматларнинг ўсиш суръати 2024 йилнинг мос даврига нисбатан 122,9 фоизни ташкил этди (2024 йилнинг январь-апрелида – 119,8 фоиз).
Алоқа ва ахборотлаштириш хизматларининг умумий ҳажмида энг катта ҳажмни компьютер дастурлаштириш хизматлари эгаллайди. 2025 йилнинг январь-апрель ойларидаги улуши 44,9 фоизни ташкил этган.