“Толибон” Термиздаги афғон-ўзбек чегарасидаги умумий бозорга 40 ёшгача бўлган аёлларни киритмаслик тўғрисида низом чиқарди. Бу ҳақда AmuTv хабар берди.
Савдогарларнинг айтишича, чеклов мижозлар оқимини кескин камайтириб, трансчегаравий иқтисодий фаолиятни издан чиқарган.
“Олдин мижозларимизнинг асосий қисмини оилалар, жумладан, аёллар ташкил қиларди. Энди ёш аёлларга тақиқ қўйилганидан сўнг, сотувларимиз кескин пасайиб кетди”, деди афғон савдогарларидан бири.
“Толибон” бу ҳақда жамоатчилик олдида расман эълон қилмаган.
Илгари Термизга бизнес ёки харид қилиш учун борган оилалар энди янги қоида таъсири сабаб бозорга бориш эҳтимоли камлигини айтишмоқда. Бозор мутасаддиларининг огоҳлантиришича, агар “Толибон” бу сиёсатни ўзгартирмаса, иқтисодий оқибатлар ҳар икки томондаги чегара жамоалари учун қийинчиликларни чуқурлаштириши мумкин.