Маълумот учун, ўзбекистонлик спортчи 2019—2024 йиллар оралиғида UFC жангчиси сифатида дунёнинг энг нуфузли лигасида олти маротаба рингга чиқиб, тўртта ғалаба ва иккита мағлубият қайд этган.
Чехия пойтахти Прагада аралаш яккакурашлар (MMA) бўйича Октагон 72 турнири бўлиб ўтди. Унда ўзбекистонлик спортчи Маҳмуд Муродов cо-маин эвент — асосий жанглардан бирида октагонга кўтарилди.
Муродов ушбу баҳсда мезбон жангчи Патрик Кинслга қарши ўрта вазн тоифасида жанг олиб борди. Ушбу тўқнашув Октагон промоушенининг вақтинчалик чемпионлик камарига эга чиқиш учун ўтказилди.
Тўлиқ давом этган жангда Маҳмуд Мурадов рақиби устидан тўлиқ устунликка эришди. Якунда ҳакамлар бир овоздан ўзбекистонлик спортчининг ғалабасини эълон қилишди.
Шу тариқа, Маҳмуд Муродов Октагон промоушенининг ўрта вазн тоифасидаги вақтинчалик чемпион сифатида қайд этилди.
Маълумот учун, бу Маҳмуд учун кетма-кет бешинчи ғалаба бўлди. Маҳмуд Муродов бунгача 9 март куни Германиянинг Штутгарт шаҳрида ташкил этилган Октагон 68 турнирида швейцариялик Ясуби Эномотога қарши жанг олиб бориб, иккинчи раунднинг 40-сониясида оғир нокаут эвазига ғалаба қозонган эди.