Netflix “Калмар ўйини” сериалининг учинчи ва сўнгги мавсумининг якуний трейлерини эълон қилди. Учинчи мавсумда бош қаҳрамон 456-ўйинчи Сон Ги Хун ҳалокатли ўйинга чек қўйиш учун синовларни давом эттиради.
Янги трейлерда қаҳрамон ўтган ўйинлар ва дўстларини эслайди. Видеода, шунингдек, VIP персонажлар, лифтдаги қўриқчилар жанги ва Ги Хуннинг фронтмен билан кечки овқатга тайёргарлик кўриши саҳналари мавжуд.
Сўнгги мавсум премераси 27 июнь куни бўлиб ўтади.
Аввалроқ “Калмар ўйини” режиссёри ва сценарий муаллифи Хван Дон Хек Хван томошабинларга учинчи мавсум иккинчисидан ҳам яхшироқ бўлишини ваъда қилган эди.
“Калмар ўйини”нинг иккинчи мавсуми 2024 йил 26 декабрда эфирга узатилди. У учинчиси билан бир вақтда суратга олинди, бу эса мавсумлар орасидаги интервални сезиларли даражада қисқартириш имконини берди. Шоунинг давоми сифатида Ги Хун ғалабадан уч йил ўтиб, бошқа ўйинчиларнинг ҳаётини сақлаб қолиш учун ўйинга қайтди, аммо ҳаммаси унчалик осон эмас. Мавсумнинг сўнгги эпизоди титрлардан кейинги кулминацион нуқта таъсирли саҳна билан якунланади.
Иккинчи фасл Rotten Tomatoes’да (бу танқидчиларнинг фильмлар ва сериаллар ҳақидаги фикрларини тўплайдиган ва умумлаштирадиган, шунингдек, кино янгиликлари ҳақида маълумот берадиган агрегатор веб-сайтдир) 83% танқидчилар ва 63% томошабинлар томонидан маъқулланди. Чиқарилганидан бери 11 кун ичида сериалнинг давоми 126,2 миллион марта кўрилди — бундай натижага қисқа вақт ичида ҳали ҳеч бир Netflix сериали эриша олмаган эди.