АҚШ президенти Доналд Трамп Оқ уйда олий ҳарбий қўмондонлик ва миллий хавфсизлик бўйича маслаҳатчилар билан шошилинч йиғилиш ўтказди, деб хабар берди The New York Times.
Воқеалардан хабардор манбалар нашрга маълум қилишича, Исроил ва Эрон ўртасидаги зиддият кучайиб бораётган бир паллада АҚШнинг Эрон ядровий объектлари, хусусан, Фордога зарба беришдаги иштироки муҳокама қилинган. Айни пайтда БАА, Иордания ва Саудия Арабистонидаги Америка ҳарбий базаларида хавфсизлик чоралари кучайтирилган. Яқин Шарқда жами 40 мингдан зиёд америкалик ҳарбий бор.
Нашр қайд этишича, Эронга зарба бериш зарурлиги борасида АҚШ президентининг энг яқин маслаҳатчилари бир тўхтамга кела олмаяпти.
Reuters хабар беришича, Трамп Эронга ракета ва ядровий дастурларидан воз кечиш ва таслим бўлиш учун 24 соат муҳлат берган.