Bentley Майамида 37,5 миллион долларлик ўта ҳашаматли пентхаусни тақдим этди ва у автомобиль коллексионерлари учун янги архитектура рамзига айланди. Bentley Residense’нинг 61-қаватида жойлашган ушбу икки қаватли пентхаус том маънода “осмонга кириш” имконини беради. Ноёб Дезерватор лифти автомобилни тўғридан-тўғри меҳмонхонада жойлашган ойнаванд гаражга олиб боради. Шу билан бирга, бу ерда бир вақтнинг ўзида 7 тагача электромобилни қувватлантириш мумкин.
Бу уй техник экзотикадан ташқари, шифтлари 6,7 метрли, панорамали деразалар, ички ва ташқи хусусий бассейнлар, ёзги ошхона, терасса, 4 та ётоқхона ва 7 та ҳаммомдан иборат баландликдаги тўлиқ вилладир.
Безак — Bentley услубида: мармар, кристаллар, чарм, қўлда ясалган мебел ва ҳавода муаллақ турган нарвонлардан ташкил топган. Бундан ташқари пентхаусда “жентелменлар бурчаги” ҳам мавжуд: бар, тамаки чекиш хонаси, кинозал, тренажёр зали ва ҳатто уй ҳайвонлари учун спа ҳам бор.
Очиғи, бу лойиҳа “машиналар билан ҳаёт” мавзусидаги арт-объектга ўхшайди. Автомобиль шунчаки транспорт воситаси эмас, балки мақом ва турмуш тарзининг бир қисми деб ҳисоблайдиганлар учун орзудаги уйдир.
Bentley Residens мажмуаси 2028 йилда қуриб битказилади. Минорада жами 216 та квартира ва атиги иккита пентхаус бор.