Англиянинг “Ливерпуль” клуби расмий сайтида берган баёнотига кўра, автоҳалокатда вафот этган ҳужумчи Диогу Жота шарафига унинг 20-рақамли либоси абадий музлатиб қўйилди. Энди бу рақам жамоада бошқа ҳеч кимга берилмайди.
20-рақам Жотанинг хизматлари эвазига абадийлаштирилди. Айнан у ўзининг машҳур финт ва зарбаси билан 2024/25 йилги мавсумда клубга 20-чемпионликни олиб келган эди. Бу гол “Энфилд” стадионида ўтган мерсисайд дербисида киритилган ва Жотанинг ҳаётидаги сўнггиси бўлиб қолди, — дейилади клуб баёнотида.
https://www.youtube.com/watch?v=6oBVzFd9_xM
Йиллар давомида орзу қилиб келган чемпионликка айнан шу мавсумда, дунёнинг энг кучли лигасида ва болалигимда ўйнашни орзу қилган жамоам сафида эришиш, бу мен учун умрбод эсда қоладиган ва доимо қадрлайдиган лаҳза бўлади, — деган эди Жота сўнгги интервьюларининг бирида.
Маълумот учун, Диогу Жота ушбу голни Англия Премьер Лигасининг 30-туридан ўрин олган “Эвертон”га қарши ўйинда амалга оширган. “Ливерпуль” ўша учрашувда 1:0 ҳисобида ғалаба қозониб, муддатидан олдин чемпионликни расмийлаштирган эди.
Эслатиб ўтамиз, Жота 2025 йил 3 июль оқшомида автоҳалокатга учраб, вафот этган. Ушбу йўл-транспорт ҳодисаси натижасида унинг укаси Андре Сильва ҳам ҳаётдан кўз юмган.