ҲАМАС Ғазо бўйича АҚШ воситачилигида таклиф этилган сулҳ режасига “ижобий руҳда” жавоб берди. Улар дарҳол музокараларга киришга тайёр эканини билдирди. Reuters хабарига кўра, режа 60 кунлик сулҳ, асирлар алмашинуви ва урушни тўхтатиш бўйича келишувни кўзда тутади.
АҚШ президенти Дональд Трамп яқин соатларда томонлардан жавоб кутаётганини айтди. ҲАМАС ўз сайтида ички муҳокамалар якунланганини ва жавоб воситачиларга топширилганини билдирди. Улар таклифни жиддий кўриб чиқишга тайёр. Бироқ айрим муаммолар ҳалигача сақланиб қолмоқда.
ҲАМАСга иттифоқчи гуруҳ вакили гуманитар ёрдам, Рафаҳ ўтказиш пункти ва Исроил армиясининг чиқиш муддати бўйича аниқ режа йўқлигини билдирди.
Трамп Исроил бу таклифга рози бўлганини айтган. Бироқ Исроил бош вазири идораси ҳали расмий баёнот бермаган. Бироқ Беняним Нетаньяху аввалроқ ҲАМАС қуролсизлантирилмагунча музокара бўлмаслигини таъкидлаган эди.
Исроил матбуоти хабарига кўра, Тель-Авив ҲАМАСнинг жавобини олган ва ўрганмоқда. Трамп эса кейинги ҳафтага келиб сулҳ бўлиши мумкинлигини айтган.
Миср расмийлари ҳам ҲАМАС жавобини “умидли” деб баҳолаган, аммо баъзи талабларни муҳокама қилиш кераклигини қўшимча қилишган.
Шу билан вақтда, Исроил Ғазога ҳужумларини давом этмоқда. Сўнгги 24 соатда камида 138 нафар фаластинлик ҳалок бўлган. Хон Юнис ҳудудида ҳаво ҳужуми сабаб 15 киши ўлган. Улар урушдан бошпана излаб чодирда яшаётганлар эди.
Исроил армияси 100 та нишонга зарба берганини ва ҲАМАС позицияларини йўқ қилганини маълум қилди.
Тель-Авивда эса гаровга олинган исроилликларнинг яқинлари АҚШ элчихонаси олдида намойиш ўтказди. Улар Трампдан сулҳ битими орқали оила аъзоларини қайтаришни сўрашди.
Дастлабки маълумотларга кўра, битим амалга ошса, 60 кунлик сулҳ давомида 10 нафар асир қайтарилиши ва 18 нафар ҳалок бўлган исроилликнинг жасади топширилиши мумкин. Дональд Трамп яқин келажакда Нетаньяху билан Вашингтонда учрашиши кутилмоқда.