Тошкент ва Самарқанд вилоятлари ИИБларига янги раҳбарлар тайинланди
Генерал-майор Тоҳир Арипов Самарқанд вилояти ИИБ бошлиғи бўлди. Полковник Абдувосит Абдуразаков эса унинг ўрнига Тошкент вилояти ИИББ бошлиғи этиб тайинланди.
Президент 500 та бозор ва савдо марказларида рақамли ечимларни жорий этишни топширди
Ўзбекистон президенти коррупцияга қарши курашда рақамлаштиришни асосий восита деб атади. У «Чорсу» бозоридаги муваффақиятли рақамлаштириш тажрибасини бозорлар, савдо марказлари ва давлат муассасаларига ҳам татбиқ этишни топширди. Барча соҳалар прокуратура рақамли тизимига тўлиқ интеграция қилинади.
UzAuto Motors иккинчи автомобиль учун етказиш муддатини узайтириш шартидан воз кечди
UzAuto Motors шартномалардаги бир томонлама шартларни бекор қилди. Хусусан, бир русумдаги автомобиль учун бир йилда қайта шартнома тузилганда етказиб бериш муддати қўшимча 120 кунгача узайтирилиши шарти олиб ташланди. Шунингдек, пулни қайтариш 10 кунгача қисқартирилди.
Президент хом меваларни экспортга чиқарилишини танқид қилди
Шавкат Мирзиёев айрим савдогарлар ҳаммадан олдин қимматроқ сотишни кўзлаб, хом мевани экспортга чиқараётганини танқид қилди. «Маҳсулотларимиз сифатли ва ширин бўлгани учун ташқи бозорларда „Ўзбекистонда етиштирилган“ бренди шаклланган», — деди давлат раҳбари.
«Ўзсаноатқурилишбанк», «Асакабанк» ва «Алоқабанк»ни хусусийлаштириш 2025 йилдан кейинга қолдирилди
Ўзбекистон ҳукумати 2025 йил охиригача тўртта йирик давлат банкини хусусийлаштириш жараёнини якунлашни режалаштирмаяпти. «Ўзсаноатқурилишбанк»ни хусусийлаштиришнинг якуний босқичи 2025−2026 йилларга, «Асакабанк», «Алоқабанк» ва «Туронбанк»ники эса 2026−2027 йилларга мўлжалланган.
Ўзбекистонда кўчмас мулкнинг бозор қийматини аниқлаш тизимига ўтилади ва солиқ ставкалари пасайтирилади
Ўзбекистонда бозор қийматига ўтилганидан сўнг кўчмас мулк солиғи ставкалари қайта кўриб чиқилиши режалаштирилмоқда. Янги тизим кўчмас мулкнинг кадастр қийматини бозор нархига яқинлаштириши керак.
Ўзбекистонда кўринмас иқтисодиёт биринчи ярим йилликда ЯИМнинг 8 фоизигача пасайди
Январь-июнь ойларида Ўзбекистонда кузатилмайдиган иқтисодиёт улуши ЯИМнинг 32,9 фоизини ташкил этди, бу биринчи чоракдагидан бироз кўпроқ. Кўринмас иқтисодиёт улуши эса биринчи чоракдаги 8,4 фоиздан 8 фоизгача пасайди. Gazeta шарҳловчиси Дмитрий Поваров ушбу сектордаги тенденцияларни таҳлил қилади.
Хитой Ўзбекистонда «яшил» лойиҳалар учун инвестиция фонди ташкил этишни таклиф қилди
Ўзбекистон ва Хитой «яшил» технологияларга сармоя киритиш, 500 млн долларлик фонд очиш ва кадрларни биргаликда тайёрлаш масалаларини муҳокама қилди.
Экспортга ҳам маҳсулот етиштириш мажбуриятини олган иссиқхоналарга қишки мавсумда газ кафолатланади
Эндиликда экспортга маҳсулот етиштириш мажбуриятини олган иссиқхоналарга қишки мавсумда газ кафолатли ҳажмда берилади. 2028 йилга қадар иссиқхона ишчилари учун ижтимоий солиқ ставкаси 1 фоизга туширилади. Солиқ қўмитаси иссиқхоналардан қисқартирилган газ қайси соҳаларга йўналтирилганини ўрганади.
«Татлифт» компанияси Бухоро вилоятидаги саноат паркида лифт ишлаб чиқаришни режалаштирмоқда
Татаристоннинг «Татлифт» компанияси Ўзбекистон билан ҳамкорликда Бухоро вилоятида лифт ишлаб чиқаришни йўлга қўйишни режалаштирмоқда. Лойиҳа қиймати 5,5 млн доллар деб баҳоланмоқда. Ишлаб чиқариш қуввати йилига 2000 та лифтни ташкил этиши кутилмоқда.
Тошкент-Самарқанд ва Тошкент-Андижон пулли йўллари қурилишини 2026 йилда бошлаш режалаштирилмоқда
Тошкент-Самарқанд ва Тошкент-Андижон пулли автомобиль йўллари қурилиши, аввал режа қилинганидек 2025 йилда эмас, 2026 йилда бошланади. Бу 2026−2028 йиллар учун фискал стратегияда кўзда тутилган. Шунингдек, халқаро автомагистраль йўллар таъмирланиб, мавжуд йўлларнинг ўтказувчанлик қобилияти оширилади
Ўзбекистонда I ярим йилликда асосий капиталга инвестициялар 5,5 фоизга ўсди
2025 йил январь-июнь ойларида Ўзбекистон иқтисодиётига инвестициялар 5,5%га ошди. Ўтган йилнинг шу даврида эса рекорд даражада 45% ўсиш қайд этилган эди. Gazeta шарҳловчиси Дмитрий Поваров бу ҳолат ўсишнинг секинлашиши ёки ўтган йилги кескин кўтарилишдан кейинги нормаллашув эканини аниқлашга уринди.
Самарқанд вилоятида хонанда Zeboyi Jahon ўлдирилди, гумонланувчи қўлга олинди
Самарқанд вилояти Тойлоқ туманида хонанда Зебинисо Носирова (Zeboyi Jahon) ўлдирилди. Жиноятни содир этишда гумон қилиниб, унинг турмуш ўртоғи ҳибсга олинган. Қасддан одам ўлдириш моддаси бўйича жиноий иш қўзғатилди.
Нью Йоркдаги отишма қурбонлари орасида Ўзбекистон фуқаролари йўқ — Бош консулхона
АҚШнинг Нью Йорк штати Манҳэттен шаҳрида отишма юз берди ва 5 киши, жумладан, ҳужум қилган шахснинг ўзи ҳалок бўлди. Ўзбекистоннинг Нью-Йоркдаги Бош консулхонаси қурбонлар орасида мамлакат фуқаролари йўқлигини билдирди.
Блогер Фарҳод Манноповни операция қилган ЛОР шифокор оқланди
Тошкент шаҳар судида Mittivine тахаллусли блогер Фарҳод Манноповни операция қилган ЛОР шифокорнинг апелляция шикоятлари кўриб чиқилди. У блогернинг ўлимида айбсиз деб топилди. Фарҳод Маннопов 2023 йилда Star Med Center клиникасида боши ва бурнидан олган жароҳатини операция қилдириб вафот этганди.
Мудофаа вазирлиги тизимидаги ОТМларга раҳбарлар тайинланди
Янги ташкил этилган Ҳарбий хавфсизлик ва мудофаа университети раҳбарининг биринчи ўринбосари, унинг таркибидаги тўртта ҳарбий институт бошлиқлари, шунингдек, Жануби-ғарбий махсус ҳарбий округ қўшинлари қўмондони тайинланди.
Террорчилик ташкилоти сафига қўшилиб, жангларда қатнашмоқчи бўлган йигит 8,5 йилга қамалди
Андижонда «Тавҳид ва жиҳод катибаси» халқаро террористик ташкилотининг ғояларини тарқатган ва уни молиявий қўллаган 28 ёшли йигит 8 йил 6 ойга озодликдан маҳрум этилди. У Эрон орқали Афғонистонга ўтишга уринганида қўлга олинган.
Билимни баҳолаш агентлиги абитуриентларга ОТМ ва йўналиш танлашда танлов устуворлигини белгилаш бўйича эслатма берди
Билимни баҳолаш агентлиги тестдан сўнг ОТМ ва йўналиш танлаётган абитуриентларга эслатма берди. Унга кўра, агар номзод 5 йўналишдан исталганига грантга киришни истаса «Давлат гранти», грант ёки контрактлигидан қатъий назар 1-йўналишда ўқишни хоҳласа «Таълим йўналиши» устуворлигини танлаши керак.
Камчаткадаги зилзилада жабрланганлар орасида Ўзбекистон фуқаролари йўқ — бош консулхона
Россиянинг Камчатка ўлкаси қирғоқлари яқинида юз берган зилзила оқибатида Ўзбекистон фуқаролари орасида жароҳатланган ёки вафот этганлар йўқ. Владивостокдаги бош консулхона ушбу ҳудудларда вақтинча бўлиб турган фуқароларни ФВВ кўрсатмаларига риоя қилишга ва хотиржамликни сақлашга чақирди.
«Уларни ҳатто Президент аппаратига ҳам бермаганмиз». Янгийўлдаги «Лайлаклар маҳалласи»дан репортаж
Маҳалла номи ҳужжатда «Обод», лекин ҳамма «Лайлак маҳалла» дейди. Буларнинг ҳаммасига Амир Темур кўчасини ватан тутган 200 дан ортиқ лайлак сабабчи. Маҳалладагилар ҳам ёшлигидан шу қушлар билан бирга катта бўлганини айтади. Gazeta у ерга бориб, одамлар билан гаплашди ва лайлакларни суратга туширди.
Шавкат Мирзиёев дала четида экспортбоп маҳсулотлар, хусусан, олча экишни кўпайтириш зарурлигини таъкидлади
Ўзбекистонлик экспортчилар бу йил 9 минг тонна «шок» усулида музлатилган олчани 26 млн долларга экспорт қилган. Президент, шунинг учун ҳам дала четида экспортбоп маҳсулотлар, хусусан, олчани кўпайтириш зарурлиги таъкидлади.
Президент элчиларга экспортчи корхоналарга кўмаклашишни топширди
Президент хориждаги элчихона ва бош консулхоналарни экспортни кўпайтиришга фаолроқ кўмаклашишга чақирди. У Буюк Британия, Италия, Япония, Қатар каби давлатлар билан кутилганидек натижа бўлмаётганини кўрсатиб ўтди. Давлат раҳбари элчиларга экспортчи корхоналар билан бирга ишлашни топширди.
Қорақалпоғистонда «КамАЗ» ва поезд тўқнашди, тепловоз рельсдан чиқиб кетди
Қорақалпоғистонда қоидаларга амал қилмаган «КамАЗ» юк машинаси темирйўл кесишмасидан ўтиш вақтида поезд билан тўқнашди. Оқибатда тепловоз рельсдан чиқиб кетди. Жабрланганлар йўқ.
Ҳокимликлар Тошкентда қонунбузарликлар билан қурилаётган объектларнинг нотўлиқ рўйхатини эълон қилди
Тошкент шаҳрининг бир қанча туманлари ҳокимликлари рухсатномаларнинг нотўлиқ тўпламисиз бинолар қураётган қурувчилар рўйхатини эълон қилди. Объектлар электр таъминотидан узилди.
«Мементо»дан «Интерстеллар»гача. Кристофер Нолан фильмларини қанчалик яхши биласиз?
Фильмлари жаҳон кинопрокатида 6,5 млрд доллардан ортиқ пул ишлаган ва 18 та «Оскар» мукофотини қўлга киритган режиссёр Кристофер Нолан 30 июль куни 55 ёшга тўлди. Сана муносабати билан Gazeta Нолан киноолами ҳақида тест тайёрлади, яъни, ундаги саволлар фақат «Интерстеллар»дан иборат эмас.
Тошкент ҳокимлиги қурувчиларни текшириш сайтини ишга туширди
Тошкентда аҳоли қурувчиларнинг юридик номини киритиб, унинг фаолияти тўхтатилган ёки йўқлигини билиши мумкин бўлган онлайн хизмат ишга туширилди. Нашр эълон қилинган вақтда қурилиш фаолияти вақтинча тўхтатилган 51 та компания ва жисмоний шахс аниқланган.
Алибек Кабдурахмонов Ўзбекистон давлат академик катта театри директори бўлди
Алишер Навоий номидаги Ўзбекистон давлат академик катта театри директори Рамиз Усмонов бошқа ишга ўтиши муносабати билан ишдан олинди. Унинг ўрнига театрга Алибек Кабдурахмонов директор этиб тайинланди.
Трамп Россиядан ўт очишни тўхтатиш учун берилган 10 кун муддатга ҳеч қандай муносабат ололмади: «бу ачинарли»
Трамп Москвага ўт очишни тўхтатиш учун белгилаган дастлабки 50 кунлик муддатни 10 кунгача қисқартирганига ойдинлик киритди. Бу вақт тугагач, Вашингтон «божлар ва бошқа чоралар»ни жорий қилади. Аммо Трамп Россиядан ўзи тайинлаган янги муддатга ҳеч қандай муносабат олмаган ва «бу ачинарли».
Исроил «муҳим қадамлар»ни қўймаса, Британия Фаластин давлатчилигини тан олишини эълон қилди
Бош вазир Кир Стармер Буюк Британия Исроил Ғазодаги «даҳшатли вазиятни тўхтатиш учун муҳим қадамлар» қўймаса, Фаластин мустақиллигини тан олишини маълум қилди. Ўз навбатида, Британиянинг ҲАМАСга қўйган талаблари ўзгармай қолади. Аввалроқ Франция сентябрь ойида Фаластинни тан олишини эълон қилганди.
Қирғизистонда халқаро интернет-трафикка бир йилга давлат монополияси жорий этилди
Қирғизистон ҳукумати халқаро интернет-трафик учун бир йилга давлат монополиясини жорий этишга қарор қилди. Уни етказиб бериш учун «эксклюзив ҳуқуқ»ни давлат назоратига ўтган оператор олди.
Австралия 16 ёшгача бўлганларга YouTube`да ҳисоб очишни тақиқламоқда
Австралия ҳукумати зарарли контент туфайли 16 ёшгача бўлган болаларга YouTube`дан фойдаланишни тақиқлашга қарор қилди. Ёшлар платформада видео томоша қилишда давом эта олади, лекин ҳисоб очишлари мумкин эмас.
Бизни ўқиётганингиз учун раҳмат!