Япониялик боксчи Наоя Иноуэ (31−0, 27 КО) Нагоя шаҳрида (Япония) ўзбекистонлик Муроджон Аҳмадалиевни (14−2, 11 КО) ҳакамларнинг якдил қарори билан мағлубиятга учратиб, иккинчи энг енгил вазн тоифасида мутлақ жаҳон чемпиони унвонини сақлаб қолди.
«Агар хоҳласам, ақлли бокс намойиш эта оламан», — деди Иноуэ жангдан сўнг. — Биринчи раундда у хоҳлагандек жанг қилганимда, жанг қандай тугаган бўларди, билмайман. Аммо жамоам техника ва тезликка асосланган ажойиб режа ишлаб чиқди ва бу натижа берди».
Фото: Top Rank
Чемпион рақиб унинг учун қўшимча мотивация манбаи бўлганини таъкидлади:
«Мен ҳақиқатан ҳам мотивацияга эга эдим. Жиддий тайёргарлик кўришимга тўғри келди ва айнан Аҳмадалиев яхши бўлгани учун ҳам шундай даражани кўрсата олдим».
Японияликнинг ҳампромоутери Боб Арум ҳам «Монстр» лақабли боксчининг чиқишини юқори баҳолади:
«Биз Иноуэ қандай универсал жангчига айланганини кўрдик. Унда куч бор, оёқларининг ажойиб ишлаши — ҳамма буюк чемпионларда бўладиган хислатлар. Бугун у буни исботлади».
Фото: SANKEI
Эслатиб ўтамиз, жанг тўлиқ 12 раунд давом этди. Ҳакамлар ғалабани Иноуэга яққол устунлик билан беришди — 117−111 ва икки марта 118−110. 32 ёшли чемпион учун бу нокаут билан якунланмаган тўртинчи жанг бўлди.
Шунингдек, Иноуэ навбатдаги жангини декабрь ойида Саудия Арабистонида ўтказишини маълум қилди.
У тўртта вазн тоифасида унвонларга эга. Улардан иккитаси — энг енгил ва иккинчи энгил вазн тоифасида мутлақ жаҳон чемпиони унвони.
Фото: SANKEI
Ўзбекистонлик боксчи 2023 йил апрель ойида филиппинлик Марлон Тапалесдан ҳакамларнинг алоҳида қарори билан мағлубиятга учраганидан кейин йўқотган чемпионлик мақомини қайтариб олишга қатъий қарор қилди. Иноуэдан учралган мағлубият унинг профессионал фаолиятидаги иккинчи мағлубият бўлди.
Фото: Kyodo
Муроджон Аҳмадалиев 1994 йил 2 ноябрда Наманган вилоятида туғилган. Ҳаваскор боксда Осиё чемпиони (2017), жаҳон вице-чемпиони (2015) ва 2016 йилги Олимпиада бронза медали совриндори бўлган. Рекорд даражадаги 8 та жангда иккита (WBA ва IBF) унвонни қўлга киритган биринчи ўзбекистонлик.