Туркияда ўзбекистонликлар қўлга олинди. Истанбул консулхонаси бу ҳақда хабар берди.
Шу йилнинг 29 сентябр куни Истанбулда 6 нафар шахс, шу жумладан блогер Жасмин ҳам маҳаллий полиция томонидан қўлга олиниб, 30 сентябр куни Малтепе ёпиқ турдаги жазони ижро этиш муассасасига жойлаштирилган.
Мазкур шахслар гиёҳвандлик воситалари ва психотроп моддаларнинг ноқонуний айланмаси билан боғлиқ жиноятни содир этишда гумон қилинмоқда.
Тинтув тадбирлари давомида олинган ашёвий далиллар экспертизага юборилган.
Ҳозирда тергов жараёни давом этмоқда
Аввалроқ консулхона одам савдосида айбланган «Соня» исмли аёл Ўзбекистонга депортация қилингани ҳақида хабар берганди.