Фарғона вилояти Давлат солиқ бошқармасининг тадбиркорликни қўллаб қувватлаш ва хизмат кўрсатиш бўлими катта инспектори фирибгарликда гумонланиб ушлади, дея хабар қилди ДХХ.
У ўз укасига 2023 йилда Фарғона тумани ҳудудидан электрон аукцион орқали 30 йил муддатга ижара асосида берилган, қишлоқ хўжалигига мўлжалланган 48 сотих ер майдонини юқори лавозимда ишловчи танишлари орқали харидор номига расмийлаштириб бериш эвазига 30 000 АҚШ доллари талаб қилган.
Давлат хавфсизлик хизмати ҳамда Бош прокуратуранинг Иқтисодий жиноятларга қарши курашиш департаменти ходимлари ҳамкорлигида ўтказилган тезкор тадбир давомида солиқ идораси ходими ушбу пул маблағини олган вақтида ашёвий далиллар билан ушланди.
Ҳозирда унга нисбатан Жиноят кодексининг 25, 168-моддаси 4-қисми «а» банди (Жуда кўп миқдорда фирибгарлик қилишга суиқасд қилиш) билан жиноят иши қўзғатилиб, тергов ҳаракатлари олиб борилмоқда.
