АҚШ президенти Доналд Трамп Ғазодаги оташкесим қачон кучга киришини маълум қилди.
Трамп Ғазо секторида ўт очишни тўхтатиш ҲАМАС гуруҳи Оқ Уй томонидан таклиф қилинган тинчлик режасига розилигини тасдиқлаган заҳоти дарҳол амалга оширилишини маълум қилди. Бу ҳақда у 4 октябрь куни Truth Social ижтимоий тармоғидаги саҳифасида ёзган.
“ҲАМАС келишувни тасдиқлаганида, сулҳ дарҳол кучга киради, гаровга олинганлар ва асирлар алмашинуви бошланади ва биз уларни олиб чиқишнинг кейинги босқичи учун шарт-шароит яратамиз, бу бизни 3000 йиллик фалокатни тугатишга яқинлаштиради”, деди Америка раҳбари.
Трампнинг сўзларига кўра, Исроил ХАМАСгп маълум қилинган дастлабки чекиниш чизиғига рози бўлган. Исроил бу баёнотга ҳозирча изоҳ бермади.
Аввалроқ АҚШ президенти гуруҳга Ғазо бўйича тинчлик режасига рози бўлиш учун 5 октябр кечгача вақт берган эди. Агар бу амалга ошмаса, жангарилар йўқ қилинади, деди Трамп.
Кейинроқ ҲАМАС Ғазо тинчлик режаси доирасида маҳбусларни озод қилишга тайёр эканини маълум қилди, бироқ баъзи нуансларни ҳам тилга олди.