Кимё бўйича Нобел мукофотининг совриндорлари Сусуму Китагава, Ричард Робсон ва Омар Ягхи бўлди.
Мукофот глобал муаммоларни ҳал этишда улкан салоҳиятга эга бўлган юқори ғовакли материалларнинг янги синфи — металлорганик каркасларни ишлаб чиққанликлари учун берилади.
Олимлар газлар ва бошқа кимёвий моддалар ўта оладиган катта бўшлиқли молекуляр тузилмаларни яратдилар. Бу тузилмалардан чўлда ҳаводан сув йиғишда, карбонат ангидридни тутиб қолишда, заҳарли газларни сақлашда ёки кимёвий реакцияларни тезлатишда фойдаланиш мумкин.