Айтжан Халмаханов 24 йиллик танаффусдан сўнг Ўзбекистонга юнон-рум кураши бўйича жаҳон чемпионлигини туҳфа қилгани ҳақида хабар бергандик.
Ўрта Чирчиқ туманида вояга етган полвоннинг ғалабаси мамлакатимиз спорти тарихида муҳим воқеа сифатида эътироф этилмоқда.
Тошкент вилояти ҳокимлиги матбуот хизмати бугун маълум қилишича, Айтжан Холмаханов фидокорона меҳнати, матонати ва юрт шаънини юксак даражада ҳимоя қилгани учун муносиб тақдирланди — унга BYD автомобили ҳамда 15 000 АҚШ доллари миқдоридаги пул мукофоти топширилди.
Бир неча кун аввал чемпионга Ўзбекистон президентининг совғаси — Нурафшон шаҳрида 3 хонали замонавий квартира калити тантанали тарзда топширилган эди.