Uzum рақамли экотизими 13 октябрь куни Давлат активларини бошқариш агентлигига UzPost почта операторини хусусийлаштириш бўйича савдоларда иштирок этиш учун ариза билан расмий хат юборди. Бу ҳақда «Газета.уз»га компания матбуот хизмати хабар берди.
Uzum маълум қилишича, ҳозирча агентликдан расмий жавоб олинмаган.
Компания почта операторидаги давлат улушини сотиб олиш ҳуқуқи учун танловда қатнашишга тайёрлигини тасдиқлади.
«Бизнинг ишончимиз комил, почта хизмати — давлатнинг энг муҳим активларидан бири, шунинг учун уни бошқариш нафақат бизнес, балки миллий манфаатларни ҳам ҳисобга олган ҳолда амалга оширилиши керак», — дея таъкидланди Uzum баёнотида.
Компания қўшимча қилишича, «Почта бир қатор муҳим ижтимоий функцияларни бажаради, бутун мамлакат бўйлаб минглаб иш ўринларини таъминлайди ва айнан Ўзбекистон ИТ-компанияси билан энергия самарадорлик ва ижтимоий иш ўртасидаги мувозанатни сақлашга, шунингдек, UzPost’нинг барча ҳамкорлари, хоҳ ўзбекистонлик ёки чет эллик ўйинчилар, хоҳ йирик ёки кичик бизнес бўлсин, манфаатларини мувозанатлаштиришга имкон беради».
Компания UzPost Узум’нинг асосий ҳамкорларидан бири эканлигини таъкидлади. Uzum Market ва UzPost 650 дан ортиқ буюртмаларни бериш шохобчалари (жами 1250 та шохобчанинг 52 фоизи) доирасида ҳамкорлик қилмоқда.
