Ўзбекистон U-17 ёшлар терма жамоаси бугун Қатарда бўлиб ўтаётган жаҳон чемпионатида ўз иштирокини бошлайди.
Биринчи баҳс 5 ноябрь куни Парагвай ёшларига қарши ўтказилади. Учрашув Тошкент вақти билан соат 18:00 да старт олади.
Эслатиб ўтамиз, Ўзбекистон терма жамоаси гуруҳ босқичида J гуруҳига тўғри келган бўлиб, у ерда Парагвай, Панама ва Ирландия жамоалари билан тўқнаш келади.
Парагвайга қарши ўйиндан кейинги баҳс 8 ноябрь куни Ирландияга қарши бўлади, сўнгги гуруҳ учрашуви эса 11 ноябрь куни Панамага қарши ўтказилади.
Бу Ўзбекистон U-17 жамоасининг жаҳон чемпионатидаги тўртинчи иштироки ҳисобланади.
Аввалги мусобақаларда терма жамоа 2011 ва 2023 йилларда чорак финалгача етган, 2013 йилда эса 1/8 финалда ўз иштирокини якунлаган.
Ўсмирлар жамоаси мусобақага турнир учун қуйидаги таркиб билан иштирок этмоқда:
- Дарвозабонлар: Иброҳим Шокиров, Абдулмалик Анваров, Неъматуллоҳ Рустамжонов
- Ҳимоячилар: Муҳамммад Ҳакимов, Амирҳон Мурадов, Муҳамммадали Мусаҳанов, Беҳруз Саидмуродов, Муминжон Баҳодирҳонов, Азизбек Абдумуминов
- Ярим ҳимоячилар: Қаҳрамон Тургунов, Азизбек Эримбетов, Абдусамад Саидов, Муҳамммад Ҳабибуллаев
- Ҳужумчилар: Садриддин Ҳасанов, Нурбек Сарсенбаев, Сайфиддин Содиков, Жамшидбек Рустамов, Асилбек Алиев
- Мураббий: Исломбек Исмоилов