Венгрия бош вазири Виктор Орбан жума куни Вашингтонда бўлиб ўтган музокаралардан сўнг маълум қилишича, АҚШ президенти Дональд Трамп Венгрияни Россия нефти ва газини харид қилиш учун жорий этилган санкциялардан озод қилишга ваъда берган. Бу ҳақда венгр оммавий ахборот воситалари хабар бермоқда.
«Биз «Туркия оқими» ва «Дўстлик» қувурларига нисбатан санкциялардан тўлиқ озод қилиндик», – деб ёзади Telex нашри Орбан интервьюсига таяниб.
Қайд этилишича, Венгрия «Туркия оқими» орқали Россия газини, «Дўстлик» қувури орқали эса нефтини қабул қилади.
Трамп журналистлар билан суҳбатда Орбаннинг баёнотига қарши чиқмаган, аммо бу маълумотни ҳам очиқ тасдиқламаган.